Պըզզան, պըզզան, եկավ հոկտեմբերիկը պըզպըզան …

«Իմացումի հրճվանք» ծրագրի կրտսերների «Հոկտեմբերիկ» ստուգատես

Անցկացման վայրը՝ Մարմարյա սրահ
Սկիզբը՝ հոկտեմբերի 27, 11:00
Մասնակիցներ` 
Արևելյան դպրոց-պարտեզի 5 տարեկաններ, Լիլիթ Սահակյան, Տաթև Ստեփանյան
Արևմտյան դպրոց-պարտեզի 5 տարեկաններ, Մարինե Մարտիրոսյան, Սոֆյա Գրիգորյան
Հարավային դպրոց-պարտեզի 5 տարեկաններ, Գոհար Սմբատյան, Մարինե Մկրտչյան
Հյուսիսային դպրոց-պարտեզի 5 տարեկաններ, Մարի Միքայելյան, Հասմիկ Մաթևոսյան
Քոլեջի 5 տարեկաններ, Փիրուզա Հարությունյան

Այլ մասնակիցներ՝ ծնողներ, դասավանդողներ, հյուրեր:

Ստուգատեսը վարում են Քոլեջի ուսանողները:

Մասնակիցների մուտքը գունավոր շապիկներով, մեղվի պոզիկներով, մեղվային թևնոց-վզնոց շրխկաններով,  նախապես պատրաստված փոխինձե (փոխինդե) գնդիկներով լի զամբյուղներով:

Էկրանի դիմաց  Արևելյան ու Հյուսիսային դպրոց-պարտեզներն են: Էկրանից աջ՝ Հարավային դպրոց-պարտեզն է, իսկ էկրանից ձախ՝ Արևմտյան դպրոց-պարտեզն է ու Քոլեջի 5 տարեկանները:

Ծրագրում՝

Հնչում է երաժշտություն:

Մեղուները բզբզալով, շրխկացնելով ներկայանում են:
Խմբերը երեք անգամ կանչում են պըզ-պըզ-պըզպըզան`  սկզբում կամաց, հետո՝ քիչ բարձր, վերջում՝ զիլ և  բերանացի կարդում  են Խնկոյանի  «Մեղու» բանաստեղծությունը.

Պըզզան, պըզզան,
Պըզպըզան,
Պստիկ մեղու տըզտըզան,
Դաշտ ու հովիտ կշրջես,
Բարձր սարեր կթռչես,
Սուսան սմբուլ կխմես,
Ու ոտքերով թավամազ
Փոշի առած՝ տուն կգաս:

Երգում ենք «Կոտ ու կես» երգը:

Բերանացի կարդում ու խաղում ենք «Խնոցի»-ն.

Խնոցի, խնոցի,
Գցեցի  ու բռնեցի,
Տարա – բերի` զարկեցի,
Հրեցի, չխչփեցի,
Հարեցի, հա, հարեցի,
Դեղին կարագ  հանեցի:

Երգում ենք «Խնոցի» երգը:

Բերանացի կարդում ենք Աղայանի  «Ահա եկավ խոտ հարողը».

Ահա եկավ խոտ հարողը,
Ուսին դրած գերանդին:
Ամբողջ խոտը նա հարել է,
Բան չի թողել մեր հանդին:
_Այ խոտ հարող, ասա տեսնենք,
Դու ինչպե՞ս ես խոտ հարում:
_Ահա այսպես, լավ նայեցեք,
Ես այսպես եմ խոտ հարում:

_Ջան, ինչ լավ է, եկ սովորենք
Մենք էլ այսպես խոտ հարենք:

Հե՜պ, հո՜պ,

Հե՜պ, հո՜պ:

Երգում ենք «Հեփ-հոփ»:

Պարում ենք Փափուռի:

Հյուրասիրությունը՝ փոխինձե գնդիկներ:

Ստուգատեսի պատասխանատու՝ Արևելյան դպրոց-պարտեզ, Լիլիթ Սահակյան ու ընկերներ:

Դիտումներ (0)