«Մեկ սովորող-մեկ համակարգիչ» ծրագրում 5-6 տարեկանների համար պլանշետների կիրառումը` որպես ուսումնական նախագիծ, ներկայացված է կրթահամալիրի 2016 թվականի հեղինակային կրթական ծրագրում: Այդ նպատակով կրթահամալիրը ձեռք է բերել «Արմթաբ» պլանշետներ:
Պլանշետը նախատեսվում է դպրոցի 5 տարեկանների (2011 թ. ծնված) և 6 տարեկանների (2010 թ. ծնված) համար: Պլանշետները ըստ սահմանված կարգի ստանում են կրթահամալիրի կրտսեր դպրոցները (Նոր դպրոց, Դպրոց-պարտեզ, Գեղարվեստի դպրոց, Հիմնական դպրոց): Յուրաքանչյուր դպրոցի տրամադրվում է 6-ական պլանշետ` իրենց պատյաններով: Պլանշետների պահպանության (լիցքավորում) պատասխանատուն դպրոցի ընթերցավարն է կամ դպրոցի ղեկավարի որոշմամբ այլ մասնագետ (Նոր դպրոցում՝ Լիլիթ Սահակյան, Գեղարվեստի կրտսեր դպրոցում՝ Կարինե Խառատյան, Հիմնական դպրոցում՝ Լուսինե Պետրոսյան, Դպրոց-պարտեզում՝ Հայարփի Տոնոյան), դպրոցում օգտագործման ծրագրի-աշխատակարգի պատասխանատուն` դպրոցի ղեկավարը, մեթոդական մշակումների պատասխանատուն` խմբի-դասարանի դաստիարակ-դասվարը:
Աշխատանքը
Նախագիծն ունենում է իր բլոգ-կայքը (պատասխանատու` Անահիտ Հարությունյան), նախագիծը մեդիագրադարանում ունենում էր իր էջը (պատասխանատու` Զարուհի Առաքելյան), որից օգտվում են նախագիծն իրականացնողները: ITlab կայքում գործում է պլանշետների ծրագրային ապահովման, տեխնիկական սպասարկման բաժին (պատասխանատու` Տիգրան Պարսիլյան):
Դպրոցը մշակում է աշխատակարգ, ժամանակացույց, ըստ որի կազմակերպում է «5-6 տարեկանի ուսումնական պլանշետ» նախագծի իրագործումը:
Դասվար-դաստիարակները.
- Ուսումնասիրում են գործիքը (հնարավորությունները), ստեղծում ու փորձարկում առաջադրանքներ, մշակում ուսումնական փոքր նախագծեր, որոնց համար պլանշետը դառնում է ուսումնական գործիք. առաջադրանքները, նախագծերը հրապարակվում են իրենց բլոգներում և նախագծի բլոգում.
- աշխատանքի արդյունքները, դիտարկումները, առաջարկները, հարցերը պարբերաբար ներկայացնում են իրենց բլոգներում և նախագծի բլոգում:
Կրթահամալիրի Գնահատման ծառայությունը.
- անցկացնում է խմբում-դասարանում ուսումնասիրություն՝ պարզելու 5-6 տարեկանները ընտանիքում ինչ թվային տեխնիկա են գործածում (նմանատիպ ուսումնասիրություն անցկացվել է «Դպրոց-պարտեզ» ուսկենտրոնի կողմից, որը նպատակ ուներ պարզելու, թե 6 տարեկանները (2010 թ. ծնված) ինչ անհատական գործիք ունեն (նոթբուք, նեթբուք, պլանշետ). արդյունքները հայտնի են):
Նախագծի բլոգը նախատեսված է սպասարկելու ծրագրի սովորողներին, ծնողներին, դասվար-դաստիարականերին, ինչպես նաև ծրագրի իրագործման արդյունքները, դիտարկումները, մշակումները հավաքելու համար: Բլոգ մուտք կարելի է անել ինչպես իր հասցեով, այնպես էլ «Դպրոց-պարտեզ» ուսումնական կենտրոնի բլոգից, «Պարտեզ» ամսագրից, դպրոցների ենթակայքերից, mskh.am-ից:
Բլոգը կազմված է հետևյալ բաժիններից՝
- ծրագրային ապահովման փաթեթ (IT Lab)
- գործիքով աշխատելու ուղեցույց (անվտանգության, սպասարկման)
- ուսումնական նյութեր (մեդիագրադարան)
- գործիքով աշխատելու ուղեցույց (առողջապահական, ուսումնական կիրառման)
- երգարան
- հեքիաթներ
- խաղեր
- մուլտֆիլմեր
- այլ
- մեդիահմտությունների առաջնության առաջադրանքներ
- ուսումնական նախագծերի փաթեթ (դասվար-դաստիարակների բլոգ)
- նախագծեր, արդյունքներ
- դիտարկումներ, խնդիրներ, առաջարկություններ
- մեթոդական մշակումներ («Դպիր»).
Պլանշետի կիրառման արդյունքում՝
- Նախագծի ցուցահանդեսը
- 5-6 տարեկանների պլանշետային ստեղծագործություններ
- Ինքնանկարներ
- Լուսանկարներ
- Մեթոդական ուղեցույց
- Ուսումնական նյութերի փաթեթ
- 5-6 տարեկանների ավելի ակտիվ մասնակցություն կրթահամալիրի օրացույցով որոշված ստուգատեսներին
Ուսումնասիրության թեմաներ
- Էլեկտրոնային գրատախտակի ու պլանշետի միջև կապը:
- Էլեկտրոնային գրիչների կապը պլանշետի հետ:
- Պլանշետների չբացահայտված հնարավորությունները:
Դիտումներ (0)
Նոր մեկնաբանություններ